Daşıma növünün seçimi təchizat zəncirinin ümumi dəyərinə və müddətinə birbaşa təsir edir. Ən ucuz variant həmişə ən sərfəli olmur: anbarda gözləmə, sığorta və yenidən yükləmə xərcləri fərqi tez-tez bərabərləşdirir.
Avtomobil daşımaları
Türkiyə, Gürcüstan, İran və Avropa istiqamətində ən çox işlənən variantdır.
- qapıdan qapıya çatdırılma imkanı
- kiçik və orta həcmli yüklər üçün çevik
- qismən yükləmə (groupage) mümkündür
- marşrutun uzunluğu artdıqca qiymət üstünlüyü azalır
Dəniz daşımaları
Böyük həcmli və təcili olmayan yüklər üçün vahid çəkiyə görə ən sərfəli üsuldur.
- konteyner daşımaları üçün optimal
- uzaq bazarlardan — Çin, Cənub-Şərqi Asiya, Amerika — gətirilən mallar üçün
- müddət digər növlərdən uzundur
- limandan sonra əlavə avtomobil daşıması tələb olunur
Hava daşımaları
Qiymətcə ən baha, müddətcə ən sürətli variant.
- təcili, qiymətli və az çəkili yüklər üçün
- saxlanma müddəti məhdud olan məhsullar üçün
- hər kiloqram çəkiyə həssasdır — qablaşdırmanı optimallaşdırmaq vacibdir
Dəmir yolu daşımaları
Azərbaycanın coğrafi mövqeyi dəmir yolunu tranzit marşrutlarda əlverişli edir.
- iri partiyalı və eyni cinsli yüklər üçün
- dəniz və avtomobil arasında aralıq variant
- cədvəl üzrə işləyir, bu da planlaşdırmanı asanlaşdırır
Seçim edərkən nələri müqayisə etməli?
- yükün çəkisi, həcmi və xüsusiyyətləri
- marşrut və sərhəd keçid məntəqələri
- təhvil müddətinin nə qədər kritik olması
- ümumi xərc — yalnız fraxt deyil, anbar, yenidən yükləmə və sığorta daxil olmaqla
- çatdırılma şərti (Incoterms) üzrə məsuliyyətin hansı nöqtədə keçməsi
Qarışıq daşımalar
Praktikada bir neçə növün birləşdirilməsi tez-tez daha sərfəli olur: məsələn, dənizlə limana, oradan avtomobillə anbara. Belə marşrutlarda sənədlərin ardıcıllığı və yenidən yükləmə nöqtələrinin əlaqələndirilməsi xüsusi əhəmiyyət daşıyır.
Marşrutunuzu və yükün parametrlərini bizə bildirsəniz, bir neçə variantı müddət və ümumi xərc baxımından müqayisə edə bilərik.
Sualınız qaldı?
Gömrük rəsmiləşdirilməsi ilə bağlı konkret vəziyyətinizi müzakirə etmək üçün bizimlə əlaqə saxlayın — peşəkar komandamız qanunvericilik çərçivəsində izah verəcək.
